Резидент емес – заңды тұлға үшін «Азаматтарға арналған үкімет» МК» (ХҚКО) ұсынылатын құжаттардың тізімі:

• заңды тұлға үшін ҚР ҰКО тіркеу куәліктерін кері қайтарып алуға өтініш;
• көрсетілетін қызметті алушының немесе оның өкілінің жеке басын куәландыратын құжат (жеке басын сәйкестендіру үшін);
• ҚР ҰКО тіркеу куәліктерін кері қайтарып алуға өтініште көрсетілген тұлғаның мүдделерін білдірген кезде – ҚР ҰКО тіркеу куәліктерін кері қайтарып алуға көрсетілетін қызметті алушының өкіліне сенімхат. Ұйымның мөрі болмаған жағдайда, көрсетілетін қызметті алушының өкіліне сенімхат ҚР ҰКО тіркеу куәліктерін кері қайтарып алуға құжаттарды ұсыну өкілеттіктерін көрсете отырып, нотариалды куәландырылады және сенімхатпен белгіленген тапсырманы орындау үшін тиісті құжаттарға қол қойылады.
• Басқа мемлекеттің аумағында тұрақты тұратын шетелдік, азаматтығы жоқ адам құжаттарды ұсына отырып, олардың мәтінінің қазақ немесе орыс тілдеріндегі нотариат куәландырған аудармасын да ұсынады (құжаттарды орыс тілінде ұсыну жағдайларын қоспағанда). Шетелдіктің, азаматтығы жоқ адамның құжаттары мәтінінің аудармасының дұрыстығы шетелдік азаматы болып табылатын Мемлекеттің немесе азаматтығы жоқ адамның тұрақты тұратын мемлекеттің дипломатиялық өкілдігінде немесе консулдық мекемесінде не сыртқы саяси ведомствосында куәландырылуы мүмкін.