Қазақстан Республикасы Ұлттық куәландырушы орталығының жеке кабинетінде пайдаланушыларды авторизациялау кезінде екі факторлы аутентификация енгізілді.

Енді жеке кабинетке кіру үшін электрондық цифрлық қолтаңбаны және кілт құпиясөзін пайдаланумен қатар келесі тәсілдердің бірі арқылы қосымша растаудан өту қажет:

Қазақстан Республикасының Мобильді азаматтар базасында тіркелген ұялы телефон нөміріне SMS-хабарлама арқылы жіберілетін бір реттік кодты енгізу арқылы;

eGov Mobile мобильді қосымшасындағы «Жеке куәлік» цифрлық құжатынан алынған кодты енгізу арқылы.

Аталған механизм Қазақстан Республикасының Мобильді азаматтар базасында тіркелген телефон нөмірінің болмауына байланысты Қазақстан Республикасының резиденті емес тұлғаларға қолданылмайтынын атап өткен жөн.

Қосымша тексеру кезеңі қауіпсіздік деңгейін арттыруға және пайдаланушылардың есептік жазбаларын рұқсатсыз қол жеткізуден қорғауға бағытталған.

Қазақстан Республикасының Ұлттық куәландырушы орталығы pki.gov.kz сайтының жеке кабинетінде электрондық цифрлық қолтаңба кілттерін қайта шығару кезінде қосымша тексеру кезеңін енгізді.

ЭЦҚ кілттерін қайта шығару барысында қосымша тексеру келесі екі тәсілдің бірі арқылы жүзеге асырылады:

• Қазақстан Республикасының мобильді азаматтар базасында тіркелген ұялы телефон нөміріне жіберілетін бір реттік кодты енгізу арқылы SMS-растау;
• eGov Mobile қосымшасындағы цифрлық құжаттан алынған кодты енгізу.

Аталған тетік Қазақстан Республикасының мобильді азаматтар базасында тіркелген телефон нөмірі болмауына байланысты, Қазақстан Республикасының резидент еместеріне қолданылмайтынын атап өткен жөн.

Қабылданған шара қауіпсіздік деңгейін арттыруға, пайдаланушылардың электрондық цифрлық қолтаңба кілттерін заңсыз пайдаланудан қорғауға, сондай-ақ кілттерді қайта шығару процесін анағұрлым сенімді етуге бағытталған.

Құрметті пайдаланушылар!

2025 жылғы 20 желтоқсан сағат 21:00-ден 2025 жылғы 21 желтоқсан сағат 02:00-ге дейін техникалық жұмыстар жүргізілетін болады. Осы уақытта ҚР ҰКО сервистері қолжетімсіз болады

ЭЦҚ шығару сервистеріне жүктеменің артуына байланысты did.gov.kz.сервисінің баяу жұмысы байқалады,

Бүгін сервистің жұмыс жылдамдығы қалпына келтіріледі.

Түсінгеніңіз үшін рақмет.

Қазақстан Республикасының Ұлттық куәландырушы орталығы сынақтық сертификаттарды жаңартып, әзірлеушілерге арналған SDK жинағына қосты. SDK-ны алу үшін келесі сілтемеге өтіңіз: https://sdk.pki.gov.kz/