Ұғымдар мен қысқартулар
ҚР ҰКО | «Электрондық үкімет», мемлекеттік және мемлекеттік емес ақпараттық жүйелердің қатысушыларына қызмет көрсететін Қазақстан Республикасының ұлттық куәландырушы орталығы |
ҚР НКО | Куәландырушы орталықтардың электрондық цифрлық қолтаңбасының ашық кілттерінің тиесілілігін және жарамдылығын растауды жүзеге асыратын Қазақстан Республикасының негізгі куәландырушы орталығы. |
ЭЦҚ | Электрондық цифрлық қолтаңба – электрондық цифрлық қолтаңба құралдарымен жасалған және электрондық құжаттың дұрыстығын, оның тиесілілігін және мазмұнының өзгермейтіндігін растайтын электрондық цифрлық символдар жиынтығы |
Тіркеу куәлігі (Сертификат) | Электрондық цифрлық қолтаңбаның Қазақстан Республикасының нормативтік құқықтық актілерімен белгіленген талаптарға сәйкестігін растау үшін ҚР ҰКО-мен берілетін қағаз жеткізгіштегі құжат немесе электрондық құжат |
Қорғалған жеткізгіш | Деректерді шифрлау үшін мамандандырылған контроллерді пайдаланумен ақпаратты тікелей жинақтауышқа жазған кезде орындалатын ақпаратты қауіпсіз сақтау құрылғысы. Ақпаратқа қолжетімділік үшін пайдаланушы жеке парольді көрсетуі тиіс |
ОЖ | Операциялық жүйе – компьютердің ресурстарын басқару және пайдаланушымен өзара іс-қимыл ұйымдастыру үшін арналған өзара байланысқан бағдарламалар кешені |
ДК | Дербес компьютер |
Веб-қосымша | Клиент браузер арқылы сервермен әрекеттесетін клиент-серверлік қосымша,ал серверге веб-сервер жауап береді. |
Жүйелік талаптар
Пайдаланушының компьютеріне қойылатын ең төмен талаптар:
• Браузер: Internet Explorer 10+, Firefox 4+, Opera 10+, Google Chrome 4+, Safari 5+;
• NCALayer (соңғы нұсқа);
• Операциялық жүйе: Windows 7/8/10, Linux, OS X 10.